| 正好o岩o岩又係睇開蘇菲的世界
講開哲學
FA真係超哲學
用一個半現實既世界加插左等價交換呢個理論
亦即係世界係一個大循環
理論上唔會多左野
亦都唔會少左野
鍊金術有禁忌
人體鍊成
我諗唔多唔少係諷刺緊複製人呢件事上面
想講既係永遠複製唔到已經死去既人
真理係神既領域
亦即係plato所講既form或者idea
人類想要接觸就要交出對等代價
但係真理既份量其實超出人所想像之外
所以就出現左鋼同艾爾兩兄弟同佢地既師傅呢種「幸運不死」的人
但艾爾又帶出左另一個理論
靈魂同身體係兩個不同的單位
同plato定scrates所講既不謀而合
soul係四周維都存在
但係當soul同body結合
就會無晒之前既記憶
重新黎講
咁燒瓶中的小人會唔會就係呢o個soul呢
之後機緣巧合就變左依家既爸爸
好複雜......
講講下我都唔記得自己想講乜......
賢者之石係人類追求永生既幻象
因為有左賢者之石
係可以override左等價交換呢個理論
雖然劇中係出現左賢者之石
但係係要用好多人類生命做人柱先會做到
意味著人類想追求既野只會另自己滅亡
雖然我對真理有自己既想法
但係我對故事入面既真理真係好有興趣
真係好好睇 |
| |
| 經過一個星期既身心煎熬
星期五晚終於有得練波
很高興的說
比賽練習時做了重點訓練
就是雙pg輪流key ball
對球隊而言
是需要一個替補pg
但其實我沒有那麼偉大
我只要證明我也能做到pg這個位置
不錯
就是逞強的意思喇
由細到大一直都是這樣子
只能射小遠投而沒其他技能實在是太見不得人了
以我這個身型
以我的機動力
pg應該是沒問題的
就只欠信心
3on3這個問題並不明顯
因為大都是一打一
但全場就有點不同了
多了很多東西要兼顧
但我缺乏信心的源頭並不是其他
就是對自己的控球能力不足的完美表現
早些日子自己也有練習控球
在星期五的練習想控多一點
但是卻有點過火了
沒有留意四周只在意控球的說
也做不了自己練習時的動作
失敗
星期六下午的兩小時練習
正選的wings被篇排做一隊
而我隊則有正選的籃底球員
我做pg
其餘兩個是少打全埸的球員
比賽是勝不了
可是就是因為他們的空白
(對不起，我要強調一句，他們的能力都是超卓的)
(這個空白只是針對對全埸的合作方法)
令我我卻發現控制比賽的方法
因為我要想辦法令到兩個隊友融入隊形之中
要用很多簡單的指令
令我知道隊友的疑惑跟困難
很不錯的一次經驗
控球也不太多
有一次突破的機會
但因為平時只練習了控球
竟然忘記了突破之後要射球-___-|||
沒有練
早了起跳
沒人交
唯有浪射
也罷
所以回家後再獨自加操一小時
主要還是控球訓練
是我自己研發出來的練習內容
除了練crossover時用左右手拍波
主要都用左手運球
會圍著球埸用左手大力運球
是為了令左手更熟習球到手時的手感
大力運球也能減少被盜機會
當然也會左右手交替拍球練crossover
(這是timmy教的)
(他說他的killing crossover就是在街頭crossover到街尾再反回街頭練成的)
用左手射球
增加手感
不過竟然可以用左手完成一個key係另我喜出望外的
之後就研究點解自己射三分唔夠力
發現原來自己射三分時腳力是傳不到手上的
就是動作的連續性問題
然而雖然知道了
卻不太清楚改善的方法
不過現在起碼十球有兩三中吧
比只能小遠投好
好
要繼續加油
再重申一句
我係SG |
| |
| 此文章源於我對援助交際的無知而出現，因為我不太清楚援交跟KFC的分別，朋友解釋說是以金錢買賣關係的方式，簡單來說就是這樣子，KFC就包生仔，援交未必包，這詞語對哈日族已經是很OUT的東西，在香港廣為流傳，我懷疑是頭文字D的興起，重野先生就是喜歡加一點有色東西在他的作品上，舊的作品其實也有不少(畫得真的有點兒嘔心，我說嘔心是真的嘔心的意思，他畫的人未免太恐怖了) 說遠了，其實心裡最不明白是提供援交者的心態，其實係咪都只係子華當日所講既金句循環︰搵食o即...犯法呀？...都係搵食o即...諗諗下，其實都似夜總會包起o的小姐一晚咁上下，只不過呢班「o靚小姐」嫩o的、o靚o的同平o的，即係一晚老小姐既駛費可能夠你包一個月o靚小姐，咁老實講，以香港人咁知慳識儉既性格，緊係慳得就慳 其實我好好奇呢o的援交少女有無男朋友......即係援交其實係提供緊代客拍拖服務，即係如果你係佢男朋友，唔知道都尤自可，知道既話真係點呢?女朋友parttime出去做人地女朋友......又或者係其實fulltime做人地女朋友，而你只係人地parttime既男朋友......好複雜......唔好煩喇，索性做埋o靚marth算喇...... 香港社會正在轉變，所有事情都"o靚化"(年輕化左，你將年輕讀快少少就會變成o靚架喇，原本係咪咁意思就唔知喇)......模o靚化，小姐o靚化，吸毒o靚化，老痴都o靚化埋(講緊我自己)......依家o靚化既趨勢之快，社會根本就跟不上，以前中學生食煙好大件事，依家你見小學生食煙，就當睇唔到，一唔係就處之泰然︰食煙好喇，唔好吸毒就得喇，我地既年代仲講緊中學性教育，依家搞搞下我諗真真係要幼稚園開始教佢地所有「做人」既道理︰拿，小朋友乖架，知唔知道唔可以亂搞男女關係架，拖隔黎個女仔個手仔會生仔架......錫佢會生孖胎添 呢個~~~唔係我地既世界~~~~~~呢個~~~係o靚既世界~~~~~~ 老實講，其實都係INTERNET發展過快既SIDE EFFECT
係社會追唔上資訊過份膨脹既速度
|
| |
| 今早在步行到青衣站的途中
如常看到回收車停靠在路旁
但在離車子不遠處卻見到一位老伯伯
左手拿著四腳柺杖
一步一步舉步為艱
右手卻拖著一架買餸車
載著少量紙制品
假若上次老媽賣的那一大箱紙值三十多元
我想這個伯伯辛苦拿來的紙品應該只值幾元
這......又再令我反思
人是為了甚麼生存著
去到這個年紀要為幾元奔波又是為了甚麼
無論這個伯伯後生的時候預過甚麼大的事情
現在也只不過是一個普通的伯伯
不說這個老伯伯
拿李嘉誠來說說
無論他後生時有多厲害
現在有多能幹
也只是個為了幾十幾百憶而奔波的老伯伯
只是尾隨多了幾十個零
令我想起子華的一句話︰
「又如何呢？」 |
| |
| 經過一個星期既睡眠不足
最後兩日既睡眠不好
導致既結果係今晚我先將洗頭水塗在頭上
再將磨沙潔面膏擦在手上
磨擦出泡沫後再塗在頭上
...... |
| |
